Aprelin 26-da Xorvatiyanın paytaxtı Zaqrebdə keçirilən cüdo üzrə Avropa çempionatında Hidayət Heydərov möhtəşəm qələbə qazanaraq dördüncü dəfə Avropa çempionu olub.
Heydərov (-73 kq.) Albaniya, Portuqaliya və Moldovadan olan rəqibləri üzərində qələbə qazanaraq finala yüksəlib. Final görüşündə o, Danil Lavrentevi (fərdi neytral idmançı) məğlub edərək çempion titulunu qazanıb.
Qeyd edək ki, Hidayət Heydərov bundan əvvəl 2017, 2022 və 2023-cü illərdə böyüklər arasında Avropa çempionatının qızıl medalını qazanıb.
Hidayət Heydərovu və bütün cüdo həvəskarlarını bu möhtəşəm qələbə münasibətilə təbrik edirik!
25 apreldə Xorvatiyanın paytaxtı Zaqreb şəhərində keçirilən cüdo üzrə Avropa çempionatında cüdoçularımız 1 gümüş medal qazanıb.
Kişilər arasında -60 kq. çəkidə mübarizə aparan cüdoçumuz Balabəy Ağayev final görüşündə ispaniyalı idmançı Fransisko Qarriqos ilə güclərini sınayıb. Nəticədə Balabəy gümüş medal əldə edib.
Eyni çəki dərəcəsində yarışan digər cüdoçumuz Turan Bayramov 5-ci yerə çıxıb.
Qadınlar arasında -52 kq. çəkidə Aydan Vəliyeva yarışı 5-ci yerdə tamamlayıb.
Qeyd edək ki, -60 kq. çəkidə təltifetmə mərasimində medalları və mükafatları gənclər və idman nazirinin müavini Mariana Vasileva və Azərbaycan Cüdo Federasiyasının icraçı vitse-prezidenti Rəşad Rəsullu təqdim edib.
23 apreldə Xorvatiyanın paytaxtı Zaqreb şəhərində böyüklər arasında cüdo üzrə Avropa çempionatının püşkatma mərasimi keçirilib. Püşkatmanın nəticələrinə görə Azərbaycan cüdoçularının ilk rəqibləri məlum olub.
Xatırladaq ki, Azərbaycanın cüdo üzrə milli yığma komandası yarışda 9 çəki dərəsində 9 kişi və 4 qadın cüdoçu ilə təmsil olunacaq.
Turniri canlı olaraq judotv.com saytında izləyə bilərsiniz!
Qadınlar
-48 kq.
Leyla Əliyeva - Tuqçe Beder (Türkiyə)
-52 kq.
Gültac Məmmədəliyeva - Sofiya Asvesta (Kipr Respublikası) / Qabriela Dimitrova (Bolqarıstan) qarşılaşmasının qalibi ilə
Aydan Vəliyeva - Qefen Primo (İsrail)
-57 kq.
Acelya Toprak - Karla Tavarez Fernandez (Luksemburq)
Kişilər
-60 kq.
Balabəy Ağayev - Marton Andrasi (Macarıstan) / Anqelo Pantano (İtaliya) görüşünün qalibi ilə
Turan Bayramov - Vaçe Adamyan (Avstriya)
-66 kq.
Yaşar Nəcəfov - Lukas Saha (Finlandiya) / Muhammed Demirel (Türkiyə) qarşılaşmasının qalibi ilə
-73 kq.
Hidayət Heydərov - Kestutis Vitkaskas (Litva) / İndrit Kalhac (Albaniya) görüşünün qalibi ilə
Rəşid Məmmədəliyev - Darko Topaloviç (Bosniya və Herseqovina) / Coşua Qrin (İrlandiya) görüşünün qalibi ilə
-81 kq.
Zelim Tçkayev - Nace Herkoviç (Sloveniya) / Maksim Triqub (İrlandiya) görüşünün qalibi ilə
-90 kq.
Murad Fətiyev - Yamal Petqrave (Böyük Britaniya)
Elcan Hacıyev - Kornelyus Eylertsen (Norveç) / Yosip Buliç (Xorvatiya) görüşünün qalibi ilə
