İyulun 4-də Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində cüdo üzrə kişilər arasında Liqa yarışının II turu keçiriləcək.

Yarışda 41 klub və idman cəmiyyətindən olan 222 idmançı 7 çəki dərəcəsində medallar uğrunda mübarizə aparacaq. 

Qeyd edək ki, cari ildə kişilər arasında Liqa yarışının 3 turunun keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.

İyulun 5-də Bakıda cüdo üzrə milli komandaların Təlim-Məşq Mərkəz Azərbaycan Cüdo Federasiyasının (ACF) təşkilatçılığı ilə kəmər dərəcələri üzrə rəsmi imtahan təşkil ediləcək. 

İmtahan 7 yaşdan yuxarı cüdo ilə məşğul olan hamı üçün açıqdır. Kəmər seçimi müvafiq yaş uyğunluğuna əsasən aparılacaq.

İmtahana hazırlaşmaq üçün fəndlər cədvəli, videolar və yaş qrupları üzrə cədvəllə judo.az saytından tanış olmaq mümkündür. 

İmtahanı uğurla keçən namizədlərə ACF tərəfindən müvafiq kəmər və sertifikat təqdim ediləcək. 

Qeyd edək ki, kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.

3—4 iyul tarixlərində Qazaxıstanın Almatı şəhərində cüdo üzrə yeniyetmələr arasında Asiya Kuboku keçiriləcək. 

Yarışda ölkəmiz Azərbaycan Cüdo Federasiyasının prezidentinin müşaviri Natiq Bağırovun rəhbərliyi altında 4 çəki dərəcəsində 4 cüdoçu (2 oğlan, 2 qız) ilə təmsil olunacaq. 

Turnirdə 10 ölkədən 459 idmançı qüvvəsini sınayacaq. 

Qızlar 

-44 kq

Fatimə Abdullayeva

-52 kq 

Könül Eyvazlı

Oğlanlar 

-60 kq

Nicat Şıxızadə

-66 kq

İlkin Qarayev 

Şimali Makedoniyanın paytaxtı Skopyedə keçirilən cüdo üzrə yeniyetmələr arasında Avropa çempionatında fərdi mübarizələr başa çatıb. 

Azərbaycan milli komandası fərdi yarışları 3 qızıl, 1 gümüş və 2 bürünc olmaqla ümumilikdə 6 medalla tamamlayıb. 

Yığmamızın heyətində Anar Quliyev (-50 kq), Rəsul Əlizadə (-55 kq), Zeyd Ələsgərov (-60 kq) qızıl, Nərmin Ağamirzəzadə (-48 kq) gümüş, Gülşən Hüseynova (-44 kq) və Leyla Ələkbərova (-48 kq) bürünc medal əldə ediblər.

Bu nəticə ilə millimiz medalların əyarına görə ümumi komanda hesabında ikinci, oğlanlar arasında isə birinci yeri tutub. İkinci yerə görə təqdim olunan mükafatı yeniyetmə oğlanlardan ibarət yığmamızın məşqçisi Nicat Şıxəlizadə qəbul edib.