Beynəlxalq Cüdo Federasiyasının (IJF) qərarına əsasən, 2026-cı ildə Bakıda keçiriləcək cüdo üzrə böyüklər arasında dünya çempionatının tarixi dəyişdirilib.

Yeni qərara əsasən, mundial 4–11 oktyabr 2026-cı il tarixlərində baş tutacaq. Turnirin tarixinin dəyişdirilməsində məqsəd mötəbər yarışın digər beynəlxalq idman tədbirləri ilə eyni vaxta təsadüf etməməsi və dünya çempionatının televiziya yayımının daha geniş auditoriyaya çatdırılmasının təmin edilməsidir.

Fərdi mübarizələr 4–10 oktyabr tarixlərində, qarışıq komanda yarışları isə 11 oktyabrda keçiriləcək.

Bakı bu nüfuzlu yarışa ikinci dəfə ev sahibliyi edəcək. Paytaxtımızda ilk dəfə cüdo üzrə dünya çempionatı 2018-ci ildə təşkil olunmuşdu.

U-14 yeniyetmələr arasında Şimal-Qərb bölgəsi üzrə region birinciliyi keçirilib. 

Turnirə Ağsu, Balakən, İsmayıllı, Oğuz, Qax, Qəbələ, Qobustan, Şamaxı, Şəki və Zaqataladan 105 cüdoçu qatılıb. Şəki Olimpiya İdman Kompleksində keçirilən birincilikdə 11 çəki dərəcəsində medalçılar müəyyənləşib. 

Yarışın keçirilməsində məqsəd yeniyetmə cüdoçu bazasını formalaşdırmaq və kvotalar əsasında ölkə birinciliyində iştirak edəcək idmançıları müəyyənləşdirmək olub.

Medalçıları təqdim edirik:

Oğlanlar

-38 kq

1. Tunar Mirzəyev (Balakən OİK)

2. Ramazan Fərzəliyev (Oğuz)

3. Fərid Qarayev (İsmayıllı RKİM)

3. Teymur Mahmudov (Balakən OİK)

-42 kq

1. Xalid Baharov (Zaqatala UGİM)

2. Daniel Uluxanov (Balakən OİK)

3. Sərxan Güləhmədov (Oğuz)

3. Ömər Rüstəmov (Şəki)

-46 kq

1. Elgün İlyasov (Balakən OİK)

2. Polad Məmmədov (Balakən OİK)

3. Rəvan Cəfərov (Balakən OİK)

3. Zeyd Rəhimli (ACF)

-50 kq

1. Ömər Allahverdiyev (İsmayıllı RKİM)

2. Laşa Canaşvili(Qax)

3. Orxan Yaqublu (ACF)

3. Vüsal Şabanov (Zaqatala UGİM)

-55 kq

1. Tunar İmamov (Zaqatala OİK)

2. Asif Acalov (ACF)

3. Nəsir Əhmədov (Qobustan)

3. İbrahim İsgəndər (Zaqatala UGİM)

-60 kq

1. Rəsul Davudov (Zaqatala UGİM) 

2. Sabir Mustafazadə (ACF)

3. Ömər Bürcəliyev (İstiqlal İK Ağsu)

-66 kq

1. Hüseyn Ələsgərov (Qəbələ İK)

2. David Səmədov (Balakən OİK) 

3. Rəvan Mahmudov (Balakən OİK)

-73 kq

1. Zahir Niftullayev (Zaqatala UGİM)

2. Üzeyr Əsədov (Oğuz)

+73 kq

1. Tofiq Cumayev (Zaqatala UGİM)

2. Aqşin İsgəndərov (Qəbələ İK)

Qızlar 

-40 kq

1. Nərgiz Fərzəliyeva (İsmayıllı RKİM)

2. Zəhra İbrahimli (Balakən OİK)

-48 kq

1. Gözəl Məmmədova (Zaqatala UGİM)

8–10 noyabr tarixlərində Səudiyyə Ərəbistanının paytaxtı Ər-Riyadda VI İslam Həmrəyliyi Oyunları çərçivəsində cüdo yarışları keçiriləcək.

İslamiadanın yerli təşkilat komitəsi tərəfindən iştirakçı ölkələrə 5 kişi və 7 qadın cüdoçu üçün kvota ayrılıb. Turnirdə Azərbaycanı performans direktoru və kişilərdən ibarət yığmanın baş məşqçisi Riçard Trautman, eləcə də qadınlardan ibarət millinin baş məşqçisi Amina Abdellatifin rəhbərliyi altında 12 idmançı təmsil edəcək.

Heyət seçimində qarışıq komanda yarışında zədə və digər hallar səbəbilə ehtiyat idmançıların olması xüsusi diqqətdə saxlanılıb. Təəssüf ki, təşkilatçılar tərəfindən tətbiq edilən kvota məhdudiyyətinə görə millimiz Oyunlarda tam heyətlə çıxış edə bilməyəcək.

Cüdo yarışlarında 30-dan çox ölkənin idmançıları mübarizə aparacaqlar.

Milli komandanın heyəti:

Kişilər

-66 kq: Ruslan Paşayev

-73 kq: Hidayət Heydərov

-90 kq: Elcan Hacıyev

-100 kq: Zelim Kotsoyev

+100 kq: Uşanqi Kokauri

Qadınlar

-48 kq: Könül Əliyeva

-52 kq: Aydan Vəliyeva, Gültac Məmmədəliyeva

-57 kq: Fidan Əlizadə

-70 kq: Südabə Ağayeva, Aytac Qardaşxanlı

-78 kq: Günel Həsənli

Oktyabrın 22-də Azərbaycan Cüdo Federasiyasının təşkilatçılığı ilə Şəki Olimpiya İdman Kompleksində kəmər dərəcələri üzrə rəsmi imtahan keçirilib. 

İmtahanda Şimal-Qərb bölgəsindən 246 cüdoçu müvafiq yaş uyğunluğuna əsasən, ağ-sarı, sarı, narıncı, yaşıl, göy və qəhvəyi kəmər dərəcələri üzrə imtahan verib. İmtahanı uğurla keçən idmançılara müvafiq kəmər və sertifikat təqdim edilib. 

Rəsmi kəmər imtahanlarının keçirilməsi idmançıların cüdo texnikalarını hərtərəfli öyrənməsi, həmçinin onların motivasiyası üçün mühüm əhəmiyyət kəsb edir. Kəmər imtahanı peşəkarlıq səviyyəsinin qiymətləndirilməsi və rəsmi olaraq tanınması, eləcə də gələcəkdə nüfuzlu daxili yarışlarda iştirak üçün zəruridir.