Xəbərlər
Cüdo üzrə Azərbaycan çempionatı başa çatıb.
"Azman Holding"in sponsorluğu ilə Bakı İdman Sarayında keçirilən turnirin son günündə komanda yarışları keçirilib.
Qadınların mübarizəsində qalib Şuşa UGİM olub. Gümüş medala "Umbayev Sport Club", bürünc mükafata isə "Neftçi" İdman Klubunun birinci komandası sahib çıxıb.
Kişilər arasında "Kanokan-TT" PCİK çempionluğu əldə edib. "Azəri-Cüdo" İKİB II, "Sərhədçi" İM və "Atilla" İK komandaları III yeri tutublar.
Cüdo üzrə qadınlar və kişilər arasında Azərbaycan çempionatının rəsmi açılış mərasimi keçirilib.
Bakı İdman Sarayında təşkil olunan tədbir Azərbaycan Respublikasının Dövlət Himni səsləndirilməsi ilə başlayıb. Daha sonra Vətən uğrunda canından keçən şəhidlərin xatirəsi bir dəqiqəlik sükutla yad edilib.
Tədbirdə çıxış edən gənclər və idman naziri Fərid Qayıbov Paris-2024 Yay Olimpiya Oyunlarında qazanılmış yüksək nailiyyəti xatırladaraq Azərbaycanda cüdonun inkişaf etdiyini bildirib. O, ölkə çempionatında çıxış edən bütün idmançılara uğurlar arzulayıb.
Azərbaycan Cüdo Federasiyasının icraçı vitse-prezidenti Rəşad Rəsullu çempionatda ölkənin bütün regionlarından idmançıların çıxış etməsinin sevindirici hal olduğunu söyləyib. O, bu yarışın idmançıların karyerasında potensial dönüş nöqtəsi ola biləcəyini qeyd edib. Federasiya rəsmisi cüdo idman növünə göstərilən diqqət və qayğıya görə Prezident İlham Əliyevə təşəkkür edib. R.Rəsullu qeyd edib ki, bu qayğı nəticəsində cüdoçularımız bu il beynəlxalq turnirlərdə 76 qızıl, 61 gümüş və 116 bürünc olmaqla ümumilikdə 253 medal qazanıblar. O, yarışın təşkilində və ümumilikdə cüdonun inkişafında göstərdiyi dəstəyə görə Gənclər və İdman Nazirliyinə, Milli Olimpiya Komitəsinə, Federasiyanın baş sponsuru "Azercell Telecom"a, həmçinin yarışın sponsoru "Azman Holding"ə təşəkkürünü bildirib.
Ardınca Azərbaycan cüdoçularının cari ildə böyüklər, gənclər və yeniyetmələr yaş kateqoriyalarında uğurlu çıxışları ilə bağlı videoçarx nümayiş olunub. Tədbir daha sonra bədii hissə ilə davam edib.
Qeyd edək ki, builki Azərbaycan çempionatı da yüksək yarış standartlarında təşkil olunub. Ölkə çempionatında ümumilikdə 206 idmançı mübarizəyə qoşulub.
Cüdo üzrə Azərbaycan çempionatında fərdi mübarizələr başa çatıb.
Bakı İdman Sarayında keçirilən yarışın ikinci günündə daha 7 çəkidə 93 cüdoçu qüvvəsini sınayıb.
Qadınlar arasında -48 kq, -52 kq, -57 kq; kişilərdə isə -81 kq, -90 kq, -100 kq və +100 çəki dərəcələrində mükafatçıların adına aydınlıq gəlib.
Qeyd edək ki, “Azman Holding” sponsorluğu ilə baş tutan ölkə çempionatında sabah komanda yarışları keçiriləcək.
İkinci günün mükafatçılarını təqdim edirik:
Qadınlar
-48 kq
1. Könül Əliyeva (Neftçi İK)
2. Şəfəq Həmidova (Azəri-Cüdo İKİB)
3. Aişə Qurbanlı (FHN İSK)
3. Diana Tçkayeva (Azəri-Cüdo İKİB)
-52 kq
1. Aydan Vəliyeva (Neftçi İK)
2. Leyla Əliyeva (Neftçi İK)
3. Könül Eyvazlı (Bakı şəhəri 1 nömrəli RİOEUGİM PHŞ)
3. Gültac Məmmədəliyeva (Neftçi İK)
-57 kq
1. Vüsalə Hacıyeva (Neftçi İK)
2. Gülnarə Bayramova (Neftçi İK)
3. Ülviyyə Bayramova (Şuşa UGİM)
Kişilər
-81 kq
1. Vüsal Qələndərzadə (Atilla İK)
2. Süleyman Şükürov (Neftçi İK)
3. Mehdi Abbasov (Qəbələ Bakı)
3. Cəsur İbadlı (Neftçi İK)
-90 kq
1. Məmmədrza Hacızadə (Sərhədçi İM)
2. Aslan Kotsoyev (Judo Club 2012)
3. Əli Qazıməmmədov (Sərhədçi İM)
3. Xəyyam Əliyev (Azəri-Cüdo İKİB)
-100 kq
1. Elmar Qasımov (Atilla İK)
2. Əjdər Bağırov (DİN İC)
3. Canpolad Əliyev (Azəri-Cüdo İKİB)
3. Davud Namazlı (Atilla İK)
+100 kq
1. Kənan Nəsibov (Kanokan-TT İK)
2. Camal Qamzatxanov (Azəri-Cüdo İKİB)
3. Camal Feyziyev (Sərhədçi İM)
3. Sübhan Axundov (Bakı şəhəri 10 nömrəli UGİM PHŞ)
