Azərbaycan Cüdo Federasiyası ilin ən yaxşısıdır!

Cüdo məşqçilərinin ümumrespublika seminarı keçirildi

Azərbaycan 2026-cı ildə cüdo üzrə Dünya Çempionatına ev sahibliyi edəcək

Zelim Kotsoyev Olimpiya çempionu oldu

O, bunu da bacardı! Hidayət Heydərov artıq Olimpiya zirvəsindədir!

XƏBƏRLƏR

DAHA ÇOX

Digər

30 sentyabr, 2025

Peşəkar inkişaf proqramında “osaekomi-waza” seminarı baş tutub

Bakıda cüdo məşqçiləri üçün təşkil olunan peşəkar inkişaf proqramı çərçivəsində “osaekomi-waza” mövzusunda seminar keçirilib.

Azərbaycan Cüdo Federasiyasının təlimatçıları Rafiq Nəcəfov, İbrahim Aslanov və Əmrah Əhmədovun rəhbərliyi ilə keçirilən sessiyada saxlama texnikalarının düzgün qurulması, nəzarətin qorunması və xilasolma üsulları praktiki formada işlənilib.

Ətraflı

Digər

30 sentyabr, 2025

Peşəkar inkişaf proqramı çərçivəsində ilkin tibbi yardım seminarı keçirilib

Azərbaycan Cüdo Federasiyasının təşkilatçılığı ilə Bakıda cüdo məşqçiləri üçün növbəti peşəkar inkişaf proqramı start götürüb. Proqram çərçivəsində ilkin tibbi yardım seminarı keçirilib.

Seminarda iştirakçılara aşağıdakı mövzular pratiki izah olunub:

- Kritik vəziyyətlərdə (huşsuzluq, nəfəs çatışmazlığı, zədələnmələr və s.) ilkin tibbi yardımın düzgün təşkili;

- Təhlükəsizliyin təmin olunması və yardım zamanı atılmalı olan addımların ardıcıllığı;

- Real vəziyyətlər əsasında tətbiqi məşğələlər.

Proqramda 30-dək məşqçi iştirak edir.

Ətraflı

Digər

29 sentyabr, 2025

Azərbaycan Cüdo Federasiyası yeni strateji mərhələyə start verir

Azərbaycan Cüdo Federasiyası (ACF) ölkəmizdə cüdonun inkişafı istiqamətində yeni strateji mərhələyə qədəm qoyur. Yeni mərhələ “Özünü kəşf et” sloqanı ilə təqdim olunur və cüdonun yalnız döyüş idmanı deyil, eyni zamanda hörmət, özünüinkişaf və şəxsiyyət formalaşdıran bir imkan kimi dəyərləndirilməsini hədəfləyir.

Federasiyanın əsas məqsədi cüdonu qadınlar, kişilər, uşaqlar və gənclər də daxil olmaqla bütün insanlar üçün əlçatan və maraqlı etməkdir. Bu yanaşma həm ölkədə cüdonun populyarlığının artmasına, həm də yeni istedadların üzə çıxarılmasına xidmət edəcək. Strategiyanın mərkəzində cüdonun dəyərlərinin geniş kütləyə çatdırılması və sağlam həyat tərzinin təşviqi dayanır.

ACF-nin icraçı vitse-prezidenti Rəşad Rəsullu yeni mərhələ ilə bağlı bildirib:

“İdmanla məşğul olmaq yaşdan asılı olmayaraq fiziki və mental sağlam qalmağın ən vacib yoludur. Yeni strategiyamızın əsas məqsədi "Özünü kəşf et" sloqanı ilə yeni təşəbbüslərimizi həyata keçirmək və cüdo dəyərlərini cəmiyyətimizə daha da yaxınlaşdırmaqdır. İnanırıq ki, tatamidə formalaşan iradə və intizam Azərbaycanın güclü gələcəyinə öz töhfəsini verəcək".

Yeni strategiya çərçivəsində məktəblərdə və regionlarda uşaqlar və gənclər üçün daha geniş imkanların yaradılması, qızların idmana cəlb olunmasına yönəlmiş xüsusi proqramların icrası, ailələrin və ictimaiyyətin cüdoya marağını artıracaq açıq tədbirlərin təşkili nəzərdə tutulur. Bütün bu fəaliyyətlər cüdonun əsas fəlsəfəsi — hörmət və özünüinkişaf prinsiplərinə əsaslanan vahid kommunikasiya xətti ilə həyata keçiriləcək.

Federasiya həmçinin yeni yaradılmış sosial media hesabı vasitəsilə (https://www.instagram.com/judoazerbaijan) strategiyanın əsas istiqamətləri, sosial proqramlar, uşaqlar, gənclər və valideynlərə yönəlmiş təşəbbüslər barədə mütəmadi məlumat paylaşacaq. Bununla yanaşı, cüdonun dəyərləri, idmana yeni başlayanların inkişaf mərhələləri və gündəlik hekayələr də ictimaiyyətə təqdim ediləcək.

Ətraflı

Beynəlxalq turnirlər

28 sentyabr, 2025

Kişi cüdoçularımız Açıq Avropa Turnirində birinci oldu

Çexiyanın paytaxtı Praqada keçirilən cüdo üzrə Açıq Avropa Turniri başa çatıb. Sonuncu yarış günündə millimiz aktivinə daha 3 medal yazdırıb.

-81 kq çəki dərəcəsində Məhərrəm İmamverdiyev keçirdiyi altı görüşün hamısını qələbə ilə tamamlayaraq qızıl medalı boynundan asıb. Qadın cüdoçularımızdan Könül Əliyeva (-48 kq) və Gültac Məmmədəliyeva (-52 kq) isə bürünc medallara sahib çıxıblar.

Qeyd edək ki, ötən gün yarışda İslam Rəhimov (-66 kq) qızıl, Nazir Talıbov (-66 kq) gümüş, Hüseyn Allahyarov və Murad Muradlı (hər ikisi -60 kq) bürünc medallara layiq görülmüşdü.

Yekunda 2 qızıl, 1 gümüş və 4 bürünc medal əldə edən Azərbaycan 35 ölkə arasında ümumi komanda hesabında ikinci, kişilərin mübarizəsində birinci pillənin sahibi olub.

Ətraflı